Тур: дырэктыва № 4 — палітычны дакумент

04.01.2011 15:36
Архив Редакция

Намеснік міністра эканомікі Андрэй Тур заявіў 4 студзеня, што Дырэктыва № 4 з'яўляецца "палітычным дакументам, які вызначае стратэгічную мэту і рух да яе". Паводле слоў Андрэя Тура, у бліжэйшы час міністэрства эканомікі пачне падрыхтоўку праекту плана мерапрыемстваў па рэалізацыі дырэктывы.

Андрэй Тур паведаміў, што для забеспячэння адназначнага прававога рэгулявання і стабільнага заканадаўства аб прадпрымальніцкай дзейнасці праекты нарматыўна-прававых актаў у абавязковым парадку павінны выносіцца на грамадскае абмеркаванне. На думку намесніка міністра эканомікі, гэта можа аказаць уплыў на ажыццяўленне прадпрымальніцкай дзейнасці на новым узроўні, перадае БелТА.

Як раней перадаваў Тэлеграф, прэзідэнт Беларусі Аляксандр Лукашэнка 31 снежня падпісаў Дырэктыву № 4 «Аб развіцці прадпрымальніцкай ініцыятывы і стымуляванні дзелавой актыўнасці ў Рэспубліцы Беларусь». Дакумент накіраваны на «далейшую лібералізацыю эканомікі, разняволенне дзелавой ініцыятывы і творчага патэнцыялу грамадзян».

Каментуючы дакумент, намеснік міністра эканомікі Беларусі Андрэй Тур падкрэсліў, што акрамя ўсяго іншага дырэктыва накіравана на развіццё канкурэнтнай, добрасумленнай, паўнавартаснай адказнасці вытворцы, імпарцёра і прадаўца. Акрамя таго, па словах намесніка кіраўніка мінэканомікі, дырэктыва закліканая не дапусціць стварэння дадатковых адміністрацыйных бар’ераў для прадпрымальнікаў на мясцовым узроўні.