Намеснік міністра эканомікі Беларусі Андрэй Тур заявіў, што скандальнае відэа з прыёму ў амбасадзе Швецыі, на якім ён нецэнзурна выражаецца ў нецвярозым стане, з'яўляецца "чыстай вады правакацыяй". "Так, я бачыў відэа. Гэта чыстай вады правакацыя. Я думаю, што гэта спецзаказ", — сказаў намеснік кіраўніка мінэканомікі.
«Незразумела, як здымалі… З-пад бутэлькі «Кока-колы», — прыводзіць словы Андрэя Тура «Салiдарнасць». — Прычым, зусім ніхто не бачыў ні адказаў, ні пытанняў. Гэта не інтэрв’ю, гэта нішто — гэта чыстай вады падстава і правакацыя».
Як раней паведамляў Тэлеграф, намеснік міністра эканомікі ў нефармальнай абстаноўцы падчас прыёму ў шведскім амбасадзе ў Мінску пагутарыў з людзьмі на эканамічную тэму і праблемы ў эканоміцы, якія цяпер адчувае Беларусь. У ходзе размовы ён, знаходзячыся ў нецвярозым стане, звяртаўся да суразмоўцаў ў грубай форме.
