У Адэсе пачалі разгружаць другі танкер венесуэльскай нафты для Беларусі

21.06.2010 09:46
Архив

У ноч з 19 на 20 чэрвеня на нафтагазавым тэрмінале ў порце Адэсы пачалася выгрузка 80 147 тон венесуэльскай нафты, дастаўленай танкерам для Беларусі і скончыцца да 23:00 21 чэрвеня.

Калі венесуэльскую нафту зліюць у берагавыя ёмістасці, пачнецца далейшая дастаўка партыі прадукту па чыгунцы з Адэсы на Мазырскі нафтаперапрацоўчы завод, перадае БелТА.

Таксама ў дыспетчарскай нафтагазавага тэрмінала порта расказалі, што наступны танкер з Венесуэлы з 80 тыс. тон нафты прыбудзе ва ўкраінскі горад 29 чэрвеня.

Раней беларускі бок дамовіўся з кіраўніцтвам Украіны аб тым, што за 12 месяцаў гэтага года праз марскі гандлёвы порт Адэсы будзе пастаўлена для перапрацоўкі на Мазырскі НПЗ каля чатырох мільёнаў тон венесуэльскай нафты.