У Беларусі ў 13 месцах масавага адпачынку насельніцтва ўвялі забарону на купанне. Пра гэта расказалі ў Рэспубліканскім цэнтры гігіены, эпідэміялогіі і грамадскага здароўя. Забароны на купанне ўвялі ў Брэсцкай, Віцебскай, а таксама Гомельскай вобласці, расказалі спецыялісты.
У Брэсцкай вобласці ў спіс праблемных месцаў для купання трапілі зона адпачынку возера Кацера Камянецкага раёна і пляж ракі Лясная ў Камянцы, паведамляе БелТА. Прычынай забароны стала неадпаведнасць адабраных пробаў вады па мікрабіялагічных паказчыках.
Па гэтай жа прычыне забароны на купанне ўвялі ў чатырох зонах адпачынку ў Віцебскай вобласці (возера Янава, Шчаты, Гомель і Суя Полацкага раёна).
Па словах эпідэміёлагаў, у Гомельскай вобласці падставай закрыцця зонаў адпачынку для купання паслужыла адсутнасць адпаведнага ўладкавання пляжу. У чорны спіс патрапілі зоны адпачынку вадаёмаў у Камунарах, Дуравичах, Крыўску, Кашалёве, Чырвоным Сцягу, Патапаўцы Буда-Кашалёўскага раёна.
Акрамя таго, з-за неадпаведнасці адабраных пробаў вады па мікрабіялагічным паказчыкам была закрыта для купання зона адпачынку ў гарадскім парку Перамога ў Калінкавічах.
