Тарыфы на жыллёва-камунальныя паслугі ў Беларусі павышаць пакуль не будуць. Пра гэта 23 верасня паведаміў начальнік упраўлення жыллёвай гаспадаркі міністэрства жыллёва-камунальнай гаспадаркі Эдмунд Грышкевіч. Тым не менш, па словах чыноўніка, у найбліжэйшы час памер камунальных плацяжоў павялічыцца за кошт аплаты за ацяпленне.
Так, па словах начальніка ўпраўлення ЖКГ, у ацяпляльны перыяд сярэдняя плата за двухпакаёвую кватэру плошчай 48 квадратных метраў з трыма жыхарамі каля 162 тыс. рублёў. Уладальнікам трохпакаёвай кватэры давядзецца заплаціць у сярэднім 226 тыс. рублёў, а аднапакаёвай — 108 тыс. рублёў, перадае БелТА.
Эдмунд Грышкевіч таксама падкрэсліў, што ў цяперашні час беларусы аплочваюць каля 30% усіх выдаткаў на жыллёва-камунальныя паслугі.
Як раней перадаваў Тэлеграф, беларускія ўлады плануюць толькі ў 2014 года ўвесці для насельніцтва 100%-ную аплату за газ, электраэнергію і гарачую ваду. Гэта прадугледжана стратэгіяй развіцця энергетычнага патэнцыялу Беларусі, зацверджанай пастановай урада № 1180 ад 9 жніўня 2010 года.
