Закупачныя кошты на малако, свініну, свінняў у жывой вазе, буйную рагатую жывёлу і мяса буйной рагатай жывёлы ў Беларусі павышаюцца на 10%. Адпаведную пастанову прыняў Савет міністраў Беларусі 24 снежня 2010 года. Пастанова ўступіць у сілу з дня яе афіцыйнага публікавання.
«Павышэннем закупных коштаў на прадукцыю жывёлагадоўлі часткова пакрываюцца дадатковыя выдаткі сельскагаспадарчых арганізацый, абумоўленыя ростам коштаў на матэрыяльныя рэсурсы (мінеральныя ўгнаенні, нафтапрадукты, энергарэсурсы, бялковую сыравіну і іншыя), якія выкарыстоўваюцца для вытворчасці сельгаспрадукцыі», — растлумачылі ў міністэрстве сельскай гаспадаркі і харчавання Беларусі.
У адпаведнасці з пастановай Саўміна, кошт за тону малака базісных тлустасці і бялку без уліку падатку на дабаўленую вартасць складзе ад 965 тыс. рублёў да 1,2 млн. рублёў у залежнасці ад гатунку, перадае Инфобаза.by.
Цана на свінняў для забою у залежнасці ад катэгорыі складзе ад 2,7 млн. рублёў да 5,8 млн. рублёў за тону жывой вагі без уліку ПДВ. За свініну за тону забойнае вагі давядзецца заплаціць ад 4,7 млн. рублёў да 11,6 млн. рублёў.
Буйная рагатая жывёлу для забою без уліку ПДВ будзе каштаваць ад 1,5 млн. рублёў да 17,9 млн. рублёў за тону жывога вагі, за тону забойнае вагі — ад 3,8 млн. рублёў да 33,5 млн. рублёў.
