Кіраўнік міністэрства будаўніцтва і архітэктуры Беларусі Анатоль Нічкасаў паведаміў, што тэмпы будаўніцтва жылля ў буйных гарадах Беларусі, у тым ліку ў Мінску, будуць стрымлівацца. У мэтах раўнамернага, больш мэтазгоднага і эканамічна абгрунтаванага рассялення насельніцтва ўлады будуць актыўна развіваць сістэму гарадоў-спадарожнікаў.
Дадзеныя напрамкі развіцця горадабудаўніцтва агаворваюцца ў праекце ўказа «Аб асноўных напрамках дзяржаўнай горадабудаўнічай палітыкі ў Рэспубліцы Беларусь на 2011-2015 гады», які цяпер знаходзіцца на разглядзе прэзідыума Савета міністраў Беларусі, перадае БелТА.
Анатоль Нічкасаў адзначыў, што ў апошні час у палітыцы забудовы гарадоў прайшлі прыкметныя змены. Адной з прыярытэтных задач на дадзены момант з’яўляецца развіццё сельскіх тэрыторый і гарадоў-спадарожнікаў.
Як перадаваў Тэлеграф, прэзідэнт Беларусі Аляксандр Лукашэнка 17 чэрвеня заявіў аб тым, што ўлады краіны, нягледзячы на крызіс, не маюць намеру згортваць праграму па развіцці гарадоў-спадарожнікаў. «Я хачу разгрупаваць людзей вакол Мінску, хачу, каб Мінск застаўся такім, як ёсць, быў сямейна-кулуарным горадам», — заявіў кіраўнік дзяржавы.
