Савет Міністраў Беларусі 20 кастрычніка прыняў пастанову, якая рэгламентуе парадак правядзення перабудовы і перапланіроўкі жылых памяшканняў у шматкватэрных дамах. Дакумент, які павінен значна спрасціць гэтыя працэдуры, уступае ў сілу праз месяц пасля яго апублікавання.
Як стала вядома карэспандэнту Тэлеграфа, змены закрануць Палажэнне «Аб парадку перабудовы і перапланіроўкі жылых памяшканняў у шматкватэрных жылых дамах», прынятае ў 2006 годзе.
У прыватнасці, са старога палажэння выключаная фармулёўка, якая змушае ўладальнікаў кватэр браць дазвол у мясцовых уладаў на правядзенне «іншых відаў прац (па меркаванні мясцовага выканаўчага і распарадчага органа)». На думку спецыялістаў, такое размытае палажэнне давала глебу для неабгрунтаваных забаронаў на перабудову жылля. У новым дакуменце з’явіцца канкрэтная фармулёўка, якая забараняе без узгаднення ўносіць «змены ў апорныя канструкцыі» будынка.
Згодна з пастановай Саўміна, жыхары таксама атрымаюць магчымасць без узгаднення з уладамі і распрацоўкі праектнай дакументацыі дэмантаваць ванну і ўсталёўваць душавую кабіну, пераносіць існую і ўсталёўваць дадатковую водаразборную арматуру, замяняць унутрыкватэрныя трубаправоды водазабеспячэння і каналізацыі.
