Урад Беларусі не выключае, што ў 2011 годзе кошт паслуг жыллёва-камунальнай гаспадаркі можа вырасці яшчэ на пяць-сем даляраў. Пра гэта 8 красавіка паведаміў намеснік прэм'ер-міністра Беларусі Анатоль Калінін. Паводле яго слоў, урад прапрацоўвае пытанне малаважнага павелічэння тарыфаў. "Гэтае пытанне актыўна абмяркоўваецца і з'яўляецца дастаткова далікатным", — сказаў ён.
Анатоль Калінін адзначыў, што прэзідэнт запатрабаваў падаць дадзеныя аб тым, на колькі зніжаюцца выдаткі ЖКГ і наколькі магчыма павышэнне тарыфаў для насельніцтва. «Кіраўнік дзяржавы ідзе неахвотна на такое павышэнне, але ўсё-ткі для павелічэння тарыфаў абгрунтаванне ёсць», — паведаміў віцэ-прэм’ер, перадае БелТА.
«У любым выпадку тарыфы будуць павялічаны, але яны будуць кантралявацца, абмяркоўвацца з усіх бакоў. Разам з гэтым будуць павышацца і пенсіі. Пры гэтым пенсіі будуць павышацца загадзя, а затым ужо будуць павялічвацца тарыфы на паслугі ЖКГ. Гэтыя пытанні цяпер абмяркоўваюцца ва ўрадзе, у міністэрстве эканомікі», — заявіў Анатоль Калінін.
Паводле яго слоў, у сферы ЖКГ варта ўзмацніць адрасную сацыяльную дапамогу грамадзянам з менш абароненых слаёў насельніцтва, адкарэктаваўшы пры гэтым падыходы да аказання такой дапамогі.
Як раней паведамляў Тэлеграф. Савет міністраў Беларусі 4 лютага ўстанавіў з 1 лютага новыя тарыфы на жыллёва-камунальныя паслугі. У сярэднім плацяжы за паслугі ЖКГ у разліку на сям’ю з трох чалавек, якая жыве ў двухпакаёвай кватэры агульнай плошчай 48 квадратных метраў, павялічыліся на пяць даляраў.
