У Беларусі з'явіўся першы фонд банкаўскага кіравання (ФБК) "Капітал" пад кіраўніцтвам ААТ "Белінвестбанк". Нацбанк 24 верасня ўнёс адпаведны запіс аб рэгістрацыі інвестыцыйнай дэкларацыі і правілаў фінансавай установы ў рэестр фондаў банкаўскага кіравання. Не пазней за 10 працоўных дзён з дня рэгістрацыі ФБК "Капітал" апублікуе гэтыя звесткі на сваім сайце ці ў друкаваных СМІ.
Асновай для функцыянавання ў Беларусі ФБК з’яўляецца ўказ прэзідэнта ад 3 сакавіка 2010 года № 131 «Аб правядзенні эксперыменту па стварэнні фондаў банкаўскага кіравання», пракаментавалі ў Нацбанку.
Такія фонды з’яўляюцца формай давернага кіравання. Яны дазваляюць банку аб’ядноўваць сродкі фізічных і юрыдычных асобаў на праве долевай уласнасці. У далейшым гэтыя рэсурсы можна выкарыстоўваць для набыцця фінансавых актываў, указаных у інвестыцыйнай дэкларацыі і правілах фондаў. Напрыклад, для размяшчэння ў дэпазіт, прадстаўлення міжбанкаўскіх крэдытаў, правядзення аперацыяў з каштоўнымі паперамі, вытворнымі каштоўнымі паперамі, валютай і каштоўнымі металамі з мэтай найбольш эфектыўнага іх выкарыстання.
ФБК, які ствараецца на базе банкаў, можа выкарыстоўваць ўсе перавагі іх інфраструктуры (наяўнасць спецыялістаў-прафесіяналаў, уласны дэпазітарый, філіяльную сетка, агульны банкаўскі аўдыт і ўнутраны кантроль), што зніжае выдаткі кіравання. Такім чынам, гэта дае магчымасць атрымаць павяральнікам больш высокі даход, які, згодна з указам № 131, не абкладаецца падаткам, растлумачылі ў Нацбанку.
Паколькі ФБК з’яўляецца новым інструментам прыцягнення сродкаў фізічных і юрыдычных асоб, для больш дэталёвага вывучэння яго пазітыўных і негатыўных бакоў Указ № 131 прадугледжвае правядзенне эксперыменту на базе двух банкаў — «Белінвестбанк» і «Прыёрбанк». Пасля аналізу вынікаў эксперыменту спецыялісты разгледзяць мэтазгоднасць распаўсюджвання дадзенай практыкі на ўсе беларускія банкі.
Як адзначылі ў Нацбанку, неабходнасць развіцця ФБК у Беларусі абумоўлена фармаваннем новых эфектыўных механізмаў, якія дазваляюць банкам пашырыць свае магчымасці па прыцягненні і размяшчэнні грашовых сродкаў, а фізічным і юрыдычным асобам атрымаць альтэрнатыву традыцыйным інструментам фінансавага рынку.