ІП «Брытыш-Амерыкан Табака Трэйдынг Компані» інвестуе 6,5 млн. еўра для мадэрнізацыі вытворчай базы ААТ «Гарадзенская тытунёвая фабрыка «Нёман». Сутнасць інвестыцыйнага праекту — набыццё фабрыкай абсталявання для вытворчасці цыгарэтаў фармату King Size.
На новым абсталяванні будуць вырабляцца як брэнды «Брытыш Амерыкан Табака» ў рамках кантрактнай вытворчасці (Alliance, VICEROY, PALL MALL, LUCKY STRIKE, KENT), так і ўласныя маркі ААТ «Гарадзенская тытунёвая фабрыка «Нёман».
На прыняцце станоўчага рашэння аб рэалізацыі праекту групай кампаній «Брытыш Амерыкан Табака» істотна паўплывала дзяржаўная палітыка Рэспублікі Беларусь, накіраваная на лібералізацыю эканомікі і стварэнне спрыяльнага інвестыцыйнага клімату.
«Развіццё тытунёвай галіны шмат у чым залежыць ад таго, наколькі дзяржава гатова праводзіць інвестыцыйную і інавацыйную палітыку. Прыцягненне грашовых сродкаў ад ІП «Брытыш-Амерыкан Табака Трэйдынг Компані» можна расцэньваць як адзін з самых значных крокаў у гэтым кірунку за апошнія гады і як рэальную ацэнку замежным інвестарам інвестыцыйнага клімату Беларусі. Дапамога кампаніі ў набыцці фабрыкай высокатэхналагічнага абсталявання дазволіць павялічыць выпуск канкурэнтаздольнай прадукцыі для беларускага рынку», — падкрэсліў намеснік прэм’ер-міністра Беларусі Іван Бамбіза.
Рашэнне пра самы маштабны за апошнія гады фінансавы удзел замежнай кампаніі ў мадэрнізацыі беларускай тытунёвай галіны стала новым этапам развіцця шматгадовага партнёрства аднаго з лідараў сусветнага тытунёвага рынку і Гарадзенскай тытунёвай фабрыкі «Нёман». Пяць гадоў назад ІП «Брытыш-Амерыкан Табака Трэйдынг Компані» пачала кантрактную вытворчасць асобных брэндаў на вытворчых магутнасцях фабрыкі, а сёння большасць цыгарэт марак «Брытыш Амерыкан Табака», якія рэалізуюцца ў Беларусі, вырабляецца ў Горадні. Пашырэнне супрацоўніцтва ў рамках кантрактнай вытворчасці стане істотным унёскам кампаніі ў рашэнне задач імпартазамяшчэння ў тытунёвай галіне.
«Сістэмны падыход да пытанняў мадэрнізацыі вытворчых магутнасцяў ААТ «Гарадзенская тытунёвая фабрыка «Нёман» дазволіў прадпрыемству перайсці на новы ўзровень у галіне якасці прадукцыі. Сёння на фабрыцы вырабляюцца цыгарэты вядомых сусветных брэндаў, а ў яе партфелі з’явіліся новыя ўласныя маркі, якія таксама паспяхова асвойваюць рынак рэспублікі. Супрацоўніцтва з ІП «Брытыш-Амерыкан Табака Трэйдынг Компані» выводзіць беларускую тытунёвую галіну на міжнародны ўзровень за кошт пазычання досведу аднаго з сусветных лідараў у вытворчасці тытунёвых вырабаў», — падкрэсліў старшыня канцэрна «Белдзяржхарчпрам» Іван Данчанка.
Заснаваная на прынцыпах эканамічнай мэтазгоднасці і ўзаемнай выгады, палітыка беларускай дзяржавы павялічвае прывабнасць Беларусі як партнёра ў вачах замежных кампаній, ахвотнікаў прысутнічаць на беларускім рынку ў якасці інвестараў і вытворцаў.
«Супрацоўніцтва з ААТ «Гарадзенская тытунёвая фабрыка «Нёман» для «Брытыш Амерыкан Табака» з’яўляецца прыкладам гарманічнага спалучэння інтарэсаў дзяржавы і замежнага вытворцы. Ён даказвае, што пры наяўнасці ўзважанай і прадуманай палітыкі дзяржава адначасова можа паспяхова вырашаць такія маштабныя задачы, як прыцягненне ў краіну замежных сродкаў і выкананне праграмаў імпартазамяшчэння. Актыўная падтрымка гэтаму супрацоўніцтву была аказана на ўзроўні ўрада і канцэрна «Белдзяржхарчпрам» падчас падрыхтоўчай працы і кансультацый, якія прайшлі напачатку 2010 года. Гэта паслужыла адным з довадаў у карысць рашэння пра далейшае інвеставанне ў мадэрнізацыю прадпрыемства», — адзначыў дырэктар субрэгіёна Украіна, Малдова, Беларусь «Брытыш Амерыкан Табака» Джэйсан Мэрфі.
«Рэалізацыя чарговага інвестыцыйнага праекта кажа пра эфектыўнасць партнёрства ІП «Брытыш-Амерыкан Табака Трэйдзінг Компани» і ААТ «Гарадзенская тытунёвая фабрыка «Нёман» у развіцці сумесных адносін. Удзел замежнага капіталу ў мадэрнізацыі дзяржаўнага прадпрыемства дазволіць задаволіць узрослыя запатрабаванні спажыўцоў, дзяржава атрымае дадатковыя выгады ў выглядзе прыросту падатковых паступленняў, фабрыка атрымае дадатковы прыбытак, неабходны для свайго развіцця», — сказаў генеральны дырэктар ААТ «Гарадзенская тытунёвая фабрыка «Нёман» Юры Чарнышоў.
Кошт інвестыцыйнага праекту — 6,5 млн. еўра — стаў самым вялікім за ўсю гісторыю супрацоўніцтва ІП «Брытыш-Амерыкан Табака Трэйдынг Компані» і ААТ «Гарадзенская тытунёвая фабрыка «Нёман». Раней, у 2007 годзе, кампанія ўжо прадставіла два мільёны еўра на набыццё фабрыкай новай вытворча-пакавальнай лініі. Агулам аб’ём фінансавага ўдзелу «Брытыш Амерыкан Табака» ў мадэрнізацыі вытворчай базы ААТ «Гарадзенская тытунёвая фабрыка «Нёман» перавысіць 8,5 млн. еўра і стане найбуйнейшым у гісторыі праектаў па прыцягненні інвестыцый у беларускую тытунёвую галіну.
Как вам новость?
