У 2010 годзе ў Грузіі з'явілася першае афіцыйнае беларускае таварыства пасля таго, як улады краіны зарэгістравалі міжнародную грамадскую гуманітарна-дабрачынную арганізацыю "Саюз беларусаў Грузіі "Беларускія сябры". Мэтай саюза з'яўляецца аб'яднаць беларусаў дадзенага рэгіёну і ўсіх тых, каму блізкая беларуская культура.
Адна з задач арганізацыі — прапагандаваць і развіваць беларускую культуру ў Грузіі, паведаміў старшыня праўлення саюза Аляксандр Жыляеў.
Па дадзеных Дзяржстата Грузіі, на сённяшні дзень у краіне пражывае больш за 600 беларусаў з адзнакай аб нацыянальнасці ў пашпарце. «Але на нашу думку, людзей, якія атаясамліваюць сябе з беларускім этнасам, значна больш. Многія беларусы ў савецкі час былі запісаны ў пашпарце як рускія. Акрамя таго, ёсць шмат змяшаных сем’яў, дзеці якіх таксама, на наш погляд, з’яўляюцца членамі нашай дыяспары», — прыводзіць словы Аляксандра Жыляева міжнароднае грамадзянскае аб’яднанне «Бацькаўшчына».
Са сцэны тбіліскага тэатра ўпершыню гучала беларуская мову
Ён растлумачыў, што, хоць арганізацыя існуе нядаўна і знаходзіцца на этапе станаўлення, яе члены ўжо правялі некаторую працу — іх стараннямі саюз уключаны ў склад Савета нацыянальных меншасцяў пры Народным абаронцы Грузіі. «Беларускія сябры» таксама прынялі ўдзел у свяце славянскіх дыяспар, прысвечаным Дню славянскага пісьменства, звязаных з імёнамі Кірыла і Мяфодзія. «Упершыню ў Грузіі са сцэны Тбіліскага ТЮГа прагучала беларуская мову — песня «Скрыпяць траўні лапцi» ў выкананні створанага пры Саюзе ансамбля беларускай і славянскай песні «Лiлея» і верш Максіма Багдановіча «Зорка Венера», — адзначыў старшыня арганізацыі.
Да Дня незалежнасці Беларусі «Беларускія сябры» правялі канцэрт-прэзэнтацыю, на якім выступалі таксама прадстаўнікі творчай інтэлігенцыі Грузіі. Многія пісьменнікі, паэты, рэжысёры і музыкі краіны пажадалі супрацоўнічаць з арганізацыяй — яны прымаюць удзел у яе канцэртах, перакладаюць творы беларускіх паэтаў на грузінскую мову.
«Беларускія сябры» збіраюцца праводзіць вечары беларускай паэзіі, канцэрты і тэматычныя лекцыі па гісторыі і культуры Беларусі, стварыць беларускую нядзельную школу, фальклорныя і тэатральныя калектывы, а ў будучыні — Беларускі культурны цэнтр.
Адной з задач арганізацыі з’яўляецца умацоўваць і развіваць беларуска-грузінскія адносіны, а таксама дапамагаць беларускай дыяспары Грузіі.
