У Літве рыхтуюць план эвакуацыі Вільні з-за беларускай АЭС

16.03.2011 13:18
Архив Редакция

Літва збіраецца распрацаваць план эвакуацыі Вільні ў сувязі з будаўніцтвам Беларуссю АЭС. "Наша самая вялікая праблема ў тым, што мы думалі, што беларусы толькі пагражаюць пабудаваць новую АЭС на мяжы з Літвой. Зараз гэта цалкам рэальна", - адзначыў экс-кіраўнік літоўскай Дзяржаўнай інспекцыі па бяспецы атамнай энергетыкі Саўлюс Кутас.

Літоўскі прэм’ер Андрус Кубілюс 15 сакавіка заявіў, што аварыі на АЭС у Японіі лішні раз пацвердзілі: будаўніцтва атамных электрастанцый павінна праходзіць выключна пры выкананні міжнародных стандартаў бяспекі. Аднак у Беларусі і Расіі, дзе праектуюць будучай Астравецкай АЭС, такія патрабаванні папросту ігнаруюцца, лічыць палітык.

Раней у Літве не падымалі пытанняў бяспекі Вільні, гарадская рада толькі нядаўна падпісала мемарандум, у якім іх закранаюць. На думку Саўлюса Кутаса, Літва «не можа выказвацца катэгарычна супраць будаўніцтва беларускай АЭС».

«Ужо занадта позна. Але мы павінны знайсці аргументы, пры дапамозе якіх будзем весці перамовы з суседзямі. Акрамя таго, Вільня трапляе ў зону эвакуацыі ў выпадку магчымай аварыі. Такім чынам, яшчэ да будаўніцтва станцыі павінна быць ясна, куды жыхары горада будуць эвакуяваны ў выпадку распаўсюджвання радыяцыі», — піша DELFI са спасылкай на газету Lietuvos rytas.

Як ужо перадаваў Тэлеграф, беларускія ўлады маюць намер стварыць АЭС у Астраўцы, які знаходзіцца ў 50 кіламетрах ад літоўскай сталіцы. Будаўніцтва фінансуе кіраўніцтва Расійскай Федэрацыі, якое збіраецца выдзеліць для праекту 6 млрд. даляраў.

Намеснік міністра замежных спраў Літвы Эвалдас Ігнатавічус уручыў 14 сакавіка ноту пратэсту беларускаму амбасадару Уладзіміру Дражыну ў сувязі з заявамі прадстаўнікоў уладаў Беларусі аб тым, што справаздача аб патэнцыяльным уздзеянні будучай беларускай АЭС на навакольнае асяроддзе (АУНА) нібыта не выклікала прэтэнзій у літоўскага боку.

На самай справе Літва не атрымала адказаў на пытанні аб крытэрах выбару пляцоўкі ў Астраўцы, а таксама дакладнасці вывадаў прадстаўленых у АУНА, адзначыў ён.

Акрамя таго, 11-13 студзеня на 20-й сэсіі ў Жэневе камітэт па выкананні Канвенцыі Эспа (аб ацэнцы ўздзеяння на навакольнае асяроддзе ў трансгранічным кантэксце), які дзейнічае пры Еўрапейскай эканамічнай камісіі ААН, прызнаў парушэнні, дапушчаныя Беларуссю пры планаванні АЭС, і рэкамендаваў уладам краіны прыпыніць яе будаўніцтва.