У Мінску 20 верасня пройдзе пасяджэнне круглага стала па пытаннях кіравання інтэрнэтам. Арганізатарамі мерапрыемства выступілі прадстаўніцтва Еўрапейскага саюза і Інстытут філасофіі Нацыянальнай акадэміі навук Беларусі. Асноўны ўпор у абмеркаванні будзе зроблены на еўрапейскі кантэкст і беларускія прыярытэты.
Па словах арганізатараў круглага стала, мэтай дыскусіі з’яўляецца абмеркаванне вынікаў Сусветнага форуму па пытаннях кіравання глабальнай сеткай інтэрнэт. Акрамя таго, удзельнікі плануюць абмеркаваць рэалізацыю Стратэгіі развіцця інфармацыйнага грамадства ў Беларусі, перадае БелаПАН.
Акрамя ўсяго іншага, на пасяджэнні круглага стала плануюць абмеркаваць нацыянальныя прыярытэты Беларусі і вызначыць шляхі інтэграцыі краіны ў еўрапейскі дыялог па пытаннях кіравання сецівам.