Каля 200 тыс. дадатковых парковачных месцаў з'явіцца ў Мінску за 2011-2015 гады. Аб гэтым паведаміў 4 студзеня на прэс-канферэнцыі першы намеснік старшыні Мінгарвыканкама Ігар Васільеў.
Кожны раён горада атрымаў заданні па стварэнні часовых стаянак на плоскасцях, шматузроўневых паркінгаў. У цэлым жа прынятая ў сталіцы праграма «400» мяркуе ўладкаванне 400 тыс. парковачных месцаў да 2020 года, перадае БелТА.
За 2010 год адкрыта 20 паркінгаў. Пры добраўпарадкаванні горада для паркоўкі аўтамабіляў адведзена 169 пляцовак на больш чым 3,39 тыс. месцаў, у дварах адкрыта 196 парковак на 1,65 тыс. месцаў для паркоўкі.
Ігар Васільеў адзначыў, што пры ўзвядзенні шматузроўневых стаянак (іх мяркуецца рабіць не вышэй за чатыры паверхі) на першых паверхах будзе прадугледжана магчымасць арганізацыі розных бытавых паслуг. У прыватнасці, тут могуць размяшчацца СТО, аўтамыйкі, хімчысткі і інш.
У Мінску зарэгістравана 630 тыс. машын, у тым ліку 57 тыс. грузавых. Па прагнозах ДАІ, за 10 гадоў аўтапарк сталіцы дасягне каля 850 тыс. машын пры колькасці насельніцтва 2-2,1 млн. чалавек.
