14.04.2011 11:07
Архив

Супрацоўнікі Цэнтральнага РУУС Мінску выявілі чарговы наркапрытон, які ў сваёй кватэры па вуліцы Карастаянавай арганізаваў 40-гадовы непрацоўны мінчук. Праваахоўнікі затрымалі злачынцу з доказамі злачынства падчас вырабу чарговай партыі ацэтыліраванага опіюму.

Як паведамілі ў ГУУС Мінгарвыканкама, раней гаспадар кватэры быў неаднаразова судзімы за ўчыненне так званых маёмасных злачынстваў. Мужчына таксама неаднаразова трапляў у поле зроку міліцыі ў сувязі з ужываннем наркотыкаў.

У цяперашні час у дачыненні да затрыманага распачалі крымінальную справу па факце вырабу і рэалізацыі опіюму, а таксама па факце арганізацыі прытона для ўжывання наркотыкаў. Праводзіцца расследаванне.

Мінскія аператыўнікі рэгулярна затрымліваюць вытворцаў наркотыкаў і арганізатараў наркапрытонаў. Так, у пачатку года супрацоўнікі аддзялення па наркакантролі і супрацьдзеянні гандлю людзьмі Партызанскага РУУС у ходзе аператыўных мерапрыемстваў затрымалі 40-гадовага дворніка аднаго з гарадскіх дзіцячых садкоў за захоўванне небяспечнага наркотыку. У доме ў мужчыны, а таксама па месцы яго працы аператыўнікі канфіскавалі каля 25 літраў экстракцыйнага опіюму.

Следите за новостями так, как вам удобно:

Подпишитесь на новостную ленту Telegraf.by в удобном для вас сервисе и ничего не пропускайте!

Дзен Новости Google Новости Telegram Facebook VK.com OK.ru Пульс