У сталіцы трэцяга ліпеня падчас святкавання Дня незалежнасці абмяжуюць рух транспарту на некаторых мінскіх праспектах і вуліцах. Пра гэта расказалі ў Галоўным упраўленні ўнутраных спраў Мінскага гарадскога выканаўчага камітэта. Паводле дадзеных Дзяржаўтаінспекцыі, абмежаванні будуць дзейнічаць з 08:00 трэцяга ліпеня да 02:00 чацвертага ліпеня.
Трэцяга ліпеня з 08:00 абмежаванні на рух транспарту будуць дзейнічаць на участках дарог:
па пр. Незалежнасці ад вул. Камсамольскай да пр. Машэрава;
па вул. Леніна ад вул. Інтэрнацыянальнай да вул. Кірава;
па вул. Інтэрнацыянальнай ад вул. Леніна да вул. Я. Купалы;
па вул. Я. Купалы ад вул. Куйбышава да вул. Кірава;
па вул. Кірава ад вул. Я. Купалы да вул. Леніна;
па вул. К. Маркса ад вул. Я. Купалы да вул. Леніна;
па вул. Камуністычнай ад вул. Чырвонай да пр. Незалежнасці;
па вул. Кісялёва ад вул. Чырвонай да пр. Незалежнасці;
па вул. Фрунзе і Мясцовы праезд ад пр. Незалежнасці да зав. Вайсковага;
па вул. Захарава і Мясцовы праезд ад пр. Незалежнасці да зав. Вайсковага.
Акрамя таго, з 17:00 трэцяга ліпеня і прыкладна да 02:00 чацвертага ліпеня будзе абмежаваны рух на ўчастках дарог, якія прылягаюць да месца правядзення ўрачыстых мерапрыемстваў: па пр. Пераможцаў ад вул. Арлоўскай да пр. Незалежнасці, а таксама па пр. Машэрава ад вул. Даўмана да вул. Ціміразева.
У сувязі з гэтым сталічная Дзяржаўтаінспекцыя рэкамендуе мінчукам і гасцям сталіцы карыстацца паслугамі грамадскага транспарту, а кіроўцам выключыць з свайго маршруту вышэйназваныя ўчасткі дарог.