Мінгарвыканкам вырашыў адключыць ацяпленне ў адміністрацыйных і вытворчых будынках Мінску, за выключэннем памяшканняў архіваў, музеяў, тэатраў, бібліятэк і лазняў. Такое рашэнне прынятае "ў сувязі са спрыяльным прагнозам надвор'я", праінфармаваў начальнік аддзелу энергетыкі мэрыі горада Анатоль Лаўнічук.
Па яго словах, адключаць ацяпленне ў жылфондзе, дзіцячых дашкольных установах, школах і лякарнях пакуль што не будуць. «Адключэнне цяпло ў дамах, дзіцячых садках, школах, больніцах не прадугледжваецца, паколькі тэмпература паветра яшчэ досыць нізкая: у начны час апускаецца да мінус аднаго-двух градусаў», — цытуе Анатоля Лаўнічука БелТА.
Рашэнне адключыць ацяпленне ў жылых дамах прымаецца пасля таго, як на працягу пяць дзён сярэднесуткавая тэмпература вонкавага паветра трымалася ў раёне васьмі градусаў цяпла, а ў дзіцячых садках і лячэбна-прафілактычных стацыянарах — дзесяці градусаў.
Чыноўнік таксама адзначыў, што па завяршэнні ацяпляльнага сезона ў сталіцы пачнецца рамонт цепласетак.