На мінулым тыдні ў Мінску медыкі зарэгістравалі першы выпадак грыпу. Пра гэта паведамілі ў санітарна-эпідэміялагічнай службе горада. У той жа час у Мінску працягвае паступова павялічвацца колькасць хворых на вострыя рэспіраторныя вірусныя інфекцыі (ВРВІ). На мінулым тыдні было зафіксавана больш за 22,6 тыс. выпадкаў.
Паводле інфармацыі санітарна-эпідэміялагічнай службы Мінску, 61% з ліку хворых — дзеці да 17 гадоў. Пры гэтым медыкі адзначаюць ўмераны рост захворвання на ВРВІ сярод дзяцей да двух гадоў (на 6%) і сярод дзяцей ад 7 да 14 гадоў (на 13%).
За тыдзень было шпіталізавана 344 чалавекі (1,5% ад ліку тых, хто звярнуўся па медыцынскую дапамогу). Пры гэтым 97% з іх — дзеці да 17 гадоў.
Па дадзеных лабараторных даследаванняў, асноўнымі прычынамі захворвання ВРВІ па-ранейшаму застаюцца рэспіраторна-сінцытыяльныя вірусы (62%). Вірусы грыпу медыкі не ідэнтыфікавалі.
Разам з тым у санітарна-эпідэміялагічнай службе Мінску паведамілі, што на 15 кастрычніка 2010 года ў горадзе каля 145 тыс. чалавек зрабілі прышчэпкі супраць грыпу (больш за 30 тыс. дзяцей і 115 тыс. дарослых). Да лістапада медыкі плануюць зрабіць гараджанам яшчэ каля 200 тыс. прышчэпак.
