Старэйшы памочнік пракурора Мінска Сяргей Балашоў паведаміў, што пракуратура Маскоўскага раёна сталіцы ўзбудзіла крымінальную справу па факце забойства, здзейсненага ў псіханеўралагічным дыспансеры № 4. "У адной з палатаў дыспансера са слядамі ўдушэння быў выяўлены труп 28-гадовага пацыента, які быў хворы на шызафрэнію. Высвятлілася, што забойства здзейсніў сусед па палаце", — расказалі ў пракуратуры.
Па дадзеных праваахоўных органаў, труп мужчыны выявілі 22 красавіка. Прычынай смерці экспертыза назвала механічную асфіксію, паведамляе БелаПАН.
Праверка ўстанавіла, што злачынства здзейсніў 53-гадовы пацыент з такім ж, як у пацярпелага, дыягназам, расказалі ў пракуратуры.
Пацыента-забойцу змясцілі ў ахоўваемае аддзяленне рэспубліканскай клінічнай псіхіятрычнай лякарні «Навінкі».