У Віцебску 24 снежня трое зламыснікаў паспрабавалі абрабаваць царкоўную крамку прыходу Святой пакутніцы Таццяны. Мужчыны зрэзалі замок, напалі на 58-гадовага вартаўніка і спрабавалі выкрасці грошы з царкоўнай крамкі. Як паведамілі журналісту Тэлеграфа ў дэпартаменце аховы МУС, усяго ў краме знаходзілася больш за 18,5 млн. рублёў (амаль 6,2 тыс. даляраў).
У 23:40 інфармацыя аб злачынстве паступіла ў аддзел аховы Кастрычніцкага раёна Віцебску. Яго супрацоўнікі сумесна з супрацоўнікамі крымінальнага вышуку затрымалі зламыснікаў на месцы злачынства. Імі апынуліся трое непрацоўных мясцовых жыхароў 1986, 1988 і 1989 года нараджэння.
У дачыненні да затрыманых распачалі крымінальную па ч. 1 арт. 14, ч. 3 арт. 206 КК Беларусі (замах на злачынства і рабункі ў асабліва буйным памеры). Мужчынам пагражае пакаранне ў выглядзе пазбаўлення волі на тэрмін ад трох да васьмі гадоў з канфіскацыяй маёмасці або без яе.
