У сераду, 27 красавіка, суд Першамайскага раёна Мінску вынес абвінаваўчы прысуд каардынатара грамадзянскай кампаніі "Еўрапейская Беларусь" Змітра Бандарэнку. Актывіст, які падчас мінулай прэзідэнцкай кампаніі быў даверанай асобай кандыдата Андрэя Саннікава, прысуджаны да двух гадоў пазбаўлення волі з адбываннем пакарання ў калоніі агульнага рэжыму.
Акрамя таго, згодна з прысудам, Зміцер Бандарэнка абавязаны выплаціць штраф у памеры 159 тыс. рублёў за шкоду, ўчыненую яго дзеяннямі 19 снежня працы грамадскага транспарту, перадае «n#####n».
Як раней перадаваў Тэлеграф, Змітра Бандарэнку абвінавацілі па ч.1 арт.342 Крымінальнага кодэксу Беларусі («Арганізацыя групавых дзеянняў, якія груба парушаюць грамадскі парадак і спалучаных з відавочным непадпарадкаваннем законным патрабаванням прадстаўнікоў улады або які выклікалі парушэнне працы транспарту, прадпрыемстваў, устаноў або арганізацый, альбо актыўны ўдзел у такіх дзеяннях»). Пракурор патрабаваў ад суду максімальна магчымага пакарання для падсуднага — трох гадоў пазбаўлення волі.
Па словах дзяржабвінаваўцы, Зміцер Бандарэнка прымаў непасрэдны ўдзел у зборы ўдзельнікаў мітынгу 19 снежня, распаўсюджваў «надуманую інфармацыю» аб недэмакратычнасці выбараў, сам удзельнічаў у акцыі і не падпарадкоўваўся патрабаванням супрацоўнікаў міліцыі. Пракурор лічыць, што дзеянні падсуднага сталі прычынай парушэння нармальнага рэжыму працы грамадскага транспарту і некаторых фірмаў і прадпрыемстваў (рэстарана «Макдональдс», абменнага пункта «Абсалют-Банка»).
