Кіраўнік Нацыянальнага агенцтва экалагічных інвестыцый Украіны Сяргей Арленка выступіў з ініцыятывай стварэння сумеснага вугляроднага рынку з Беларуссю, Казахстанам і Расіяй. Папярэднія кансультацыі з краінамі ўжо праведзеныя. Пра гэта 14 верасня паведамілі ва ўкраінскім агенцтве.
У цяперашні час ва Украіне працуюць над стварэннем адпаведнай заканадаўчай базы. Законапраекты ў гэтай сферы перададзеныя для вывучэння ўрадаў Беларусі і Казахстана, перадае ПРАЙМ-ТАСС.
«Мы працуем з народнымі дэпутатамі, прадстаўнікамі прамысловасці, грамадскасцю, а таксама з экспертамі Еўрасаюза і ААН. Упэўненыя, што ўкараненне такога рынку дазволіць прадпрыемствам правесці тэхналагічнае пераабсталяванне і мадэрнізацыю, дасягаючы скарачэння выкідаў парніковых газаў», — адзначыў Сяргей Арленка.
Ідэя стварэння сумеснага вугляроднага рынку абумоўлена тым, што ва ўсіх чатырох краінах выкарыстоўваюць аднолькавыя тэхналогіі, успадкаваныя з савецкіх часоў. На 1 верасня 2010 года назіральны камітэт сумеснага ажыццяўлення зацвердзіў 12 праектаў сумеснага ажыццяўлення па міжнароднай працэдуры.
