Аляксандр Лукашэнка 17 траўня падпісаў указ № 192, якім пастанавіў ў 2011 годзе аказаць дзяржаўным медыя краіны фінансавую падтрымку за кошт рэспубліканскага бюджэту. Так, дзяржСМІ, якія ўключаны ў спецыяльны спіс ўрада, могуць атрымліваць субсідыі на "правядзенне дзяржаўнай палітыкі праз сродкі масавай інфармацыі".
Таксама субсідыі прадстаўляюцца ў якасці «частковага пакрыцця расходаў на друкарскія паслугі, набыццё паперы, заработную плату» і для «набыцця абсталявання і іншых асноўных сродкаў», паведамляе «REGNUM-Беларусь«.
Аляксандр Лукашэнка таксама пастанавіў кампенсаваць выдаткі «па падачы і эфірнай трансляцыі тэлепраграм» і «на падрыхтоўку і выпуск сацыяльна значных выданняў». Указ прэзідэнта абвяшчае, што з бюджэту краіны будуць цалкам або часткова кампенсаваны затраты газет «The Minsk times», «Голас Радзімы» і часопіса «Беларусь. Belarus».
Гэта ўключае ў сябе траты на вытворчасць, выпуск і распаўсюд выданняў, а таксама па зборы, падрыхтоўцы і распаўсюджванні афіцыйнай інфармацыі. Акрамя таго, будуць кампенсавацца выдаткі на забеспячэнне працы афіцыйнага сайта прэзідэнта, суправаджэнне сайта Belarus.by, выданне і распаўсюджванне бюлетэня адміністрацыі прэзідэнта Беларусі і часопіса «Беларуская думка».
Спіс СМІ, якія могуць атрымаць такую дапамогу, будзе кожны год зацвярджаць Савет міністраў і мясцовыя ўлады.
Як ужо перадаваў Тэлеграф, міністэрства інфармацыі Беларусі 25 красавіка падало іскавыя заявы ў Вышэйшы гаспадарчы суд аб спыненні выпуску дзвюх найбуйнейшых апазіцыйных газет «n#####n» і «Народная воля». Акрамя таго, радыёстанцыя «Аўтарадыё» была прызнаная экстрэмісцкай і зачынена пасля папярэджання мінінфарма, звязанага з выбарчымі ролікамі кандыдата ў прэзідэнты Андрэя Саннікава.
Міжнародная праваабарончая арганізацыя Reporters Without Borders заяўляе, што беларускі закон аб СМІ выкарыстоўваецца ў якасці асноўнай зброі для запужвання незалежных медыя.
