Савет міністраў Беларусі арганізаваў пастаянную камісію па пытаннях стварэння і функцыянавання Мытнага саюза і Адзінай эканамічнай прасторы. Адпаведнае рашэнне прынята пастановай Савета Міністраў № 1075 ад 19 ліпеня 2010 года.
Дадзеную камісію стварылі ў якасці каардынацыйнага органа, які будзе забяспечваць узгодненыя дзеянні зацікаўленых рэспубліканскіх органаў дзяржаўнага кіравання Беларусі пры разглядзе пытанняў мытна-тарыфнага рэгулявання, прымянення спецыяльных ахоўных, антыдэмпінгавых, кампенсацыйных і адказных мер, нетарыфнага рэгулявання, распавялі ў прэс-службе ўрада.
Акрамя таго ў сферу кампетэнцыі камісіі будуць уваходзіць тэхнічнае рэгуляванне, прымяненне санітарных, ветэрынарных і фітасанітарных мер, усталяванне гандлёвых рэжымаў з трэцімі краінамі, падаткаабкладанне, залічэнне і размеркаванне мытных пошлінаў, ваенна-тэхнічнае супрацоўніцтва і экспартны кантроль, узгадненне эканамічнай і валютнай палітыкі. Пытанні энергетыкі, транспарту, сувязі, свабоды руху паслугаў, свабоды руху капіталу, свабоды перамяшчэння працоўнай сілы таксама будуць каардынавацца камісіяй.
Склад камісіі зацвярджае Савет міністраў Беларусі. У цяперашні час яе старшынём прызначаны Андрэй Кабякоў, намеснік прэм’ер-міністра — член Камісіі мытнага саюза ад Беларусі.
Падкамісію па пытаннях функцыянавання МС узначаліў першы намеснік міністра замежных Беларусі спраў Ігар Петрышэнка. Ён таксама з’яўляецца намеснікам старшыні камісіі па пытаннях стварэння і функцыянавання Мытнага саюза і АЭП. У падкамісію ўвайшлі прадстаўнікі кіраўніцтва мінфіна, мінтранса, МПЗ, Дзяржваенпрама, Міністэрства аховы здароўя, мінсельгасхарча, іншых міністэрстваў, камітэтаў, канцэрна «Белнафтахім».
Кіраўніком падкамісіі па пытаннях фармавання АЭП зацвердзілі намесніка міністра эканомікі Андрэя Тура. Ён таксама з’яўляецца намеснікам старшыні камісіі па пытаннях стварэння і функцыянавання МС і АЭП. У склад гэтай падкамісіі ўвайшлі кіраўнікі Дзяржкамітэту па навуцы і тэхналогіях, Дзяржстандарту, прадстаўнікі кіраўніцтва Нацбанка, мінфіна, МЗС, іншых міністэрстваў, камітэтаў, канцэрну «Белнафтахім».
Акрамя таго, Саўмін зацвердзіў пералік пагадненняў па фармаванні дамоўна-прававой базы АЭП. Іх распрацоўкай будуць займацца намеснікі прэм’ер-міністра Беларусі — Уладзімір Сямашка, Іван Бамбіза, Віктар Бура, Андрэй Кабякоў і Уладзімір Патупчык.
