Расійская кампанія "Уралкалій" не можа гарантаваць выдзяленне ААТ "Беларуськалі" 1 млрд даляраў у якасці папярэдняй аплаты будучых продажаў калія. "Група ААТ "Уралкалій" яшчэ не заключыла пагаднення, што звязвае абавязацельствамі, у сувязі з чым адсутнічаюць якія-небудзь гарантыі таго, што ўгода будзе здзейснена на названых умовах або што яна наогул будзе здзейсненая", — адзначылі ў кампаніі.
«Група ААТ «Уралкалій» пацвярджае, што разглядае магчымасць заключэння пагаднення з ААТ «Беларуськалі», у адпаведнасці з якой Група ААТ «Уралкалій» можа ўнесці да 1 млрд даляраў у якасці папярэдняй аплаты на карысць ААТ «Беларуськалі» для забеспячэння набыцця пэўнага аб’ёму калію», — паведамілі ў расійскай кампаніі.
Як раней паведамляў Тэлеграф, мільярд даляраў, які Беларусь, па словах кіраўніка Адміністрацыі прэзідэнта Уладзіміра Макея, можа атрымаць «з іншае крыніцы», Мінск атрымае ад расійскага мільярдэра, уладальніка «Уралкалія» Сулеймана Керымава. Гэтыя сродкі пойдуць у кошт будучых паставак сыравіны.
