Генеральны дырэктар расійскай кампаніі "Уралкалій" Уладзіслаў Баўмгертнер 28 чэрвеня заявіў, што верагоднасць куплі кантрольнага пакету акцый беларускай кампаніі "Беларуськалі" ў бліжэйшай перспектыве вельмі нізкая. Тым не менш, кіраўнік расійскай кампаніі лічыць ААТ "Беларуськалі" цікавым актывам.
«Беларуськалі» для нас цікавы з пункту гледжання ўгоды па зліцці і паглынанні, у нас ужо ёсць вопыт партнёрства з гэтай кампаніяй», — цытуе Уладзіслава Баўмгертнера РИА «Новости».
У ходзе XV штогадовай канферэнцыі інвестараў Уладзіслаў Баўмгертнер чарговы раз заявіў, што ў цяперашні час «Уралкалій» не вядзе з беларускім бокам ніякіх перамоў аб угодзе — ні непасрэдна з кіраўніцтвам «Беларуськалія», ні з урадам краіны.
Як перадаваў Тэлеграф, прэзідэнт Беларусі Аляксандр Лукашэнка не выключае магчымасці продажу акцый расійскай кампаніі «Уралкалій». «Мы абсалютна не супраць продажу пакетаў акцый акцыянерных таварыстваў, у тым ліку «Беларуськалія», — заявіў Аляксандр Лукашэнка. Ён адзначыў, што прадпрыемства ацэньваецца не менш чым у 30 млрд даляраў.
