Надзвычайны і паўнамоцны амбасадар Венесуэлы ў Беларусі Амерыка Дыяс Нуньес 16 траўня паведаміў, што Венесуэла працягвае пастаўкі нафты ў Беларусь па своп-схеме "з пэўнай рэгулярнасцю". Згодна з двухбаковай дамовай кампанія Petroleos de Venezuela SA (PDVSA) абавязана штогод пастаўляць Беларускай нафтавай кампаніі да дзесяці мільёнаў тон лёгкай нафты.
«Каб скараціць выдаткі беларускага боку, частка паставак нафты такой ж якасці ажыццяўляецца праз еўразійскага партнёра, якому кампанія PDVSA ў венесуэльскіх партах прадае нафту маркі «Санта-Барбара» з мэтай яе наступнай рэалізацыі на паўднёваамерыканскім рынку. У гэтым выпадку ўсе бакі выйграюць», — растлумачыў Амерыка Дыяс Нуньес падчас відэабрыфінга, які праводзіцца на партале Саюзнай дзяржавы.
Як раней перадаваў Тэлеграф, падчас прэс-канферэнцыі 2 лютага амбасадар заяўляў, што асноўнай мэтай Венесуэлы з’яўляецца «загрузіць абодва беларускіх нафтаперапрацоўчых завода, каб яны працавалі ў нармальным рэжыме». Для гэтага Венесуэла мае намер павялічыць аб’ёмы паставак нафты ў Беларусь праз Літву. Таксама прапаноўвалася пастаўляць нафту праз Адэсу ва Украіне.
