Вярхоўны суд Беларусі шостага траўня абвясціў прысуды па так званай справе ваўкавыскіх прадпрымальнікаў. Суд прысудзіў Мікалая Аўтуховіча да пяці гадоў і двух месяцам пазбаўлення волі ў калоніі строга рэжыму, а Уладзіміра Асіпенку — да трох гадоў пазбаўлення волі ў калоніі агульнага рэжыму.
Вярхоўны суд таксама прысудзіў былога супрацоўніка фірмы Мікалая Аўтуховіча Аляксандра Ларына да трох гадоў пазбаўлення волі ў калоніі ўзмоцненага рэжыму. Яшчэ адзін абвінавачаны па справе — падпалкоўнік міліцыі Міхаіл Казлоў атрымаў два гады пазбаўлення волі ў калоніі агульнага рэжыму без пазбаўлення права займаць кіраўнічыя пасады, перадае БелаПАН.
З Мікалая Аўтуховіча і Уладзіміра Асіпенкі суд зняў абвінавачанні ў падрыхтоўцы тэрарыстычнага акту ў дачыненні да намміністра па падатках і зборах Васіля Каменка і былога старшыні Гарадзенскага аблвыканкама Уладзіміра Саўчанка, а таксама ў арганізацыі падпалу дома экс-начальніка Ваўкавыскага РАУС Сяргея Кацубы ў 2004 годзе.
Таксама з Мікалая Аўтуховіча знята абвінавачанне ў арганізацыі злачыннай групы і дачынення да гранатамёта і іншаму агнястрэльнаму зброі, знойдзенай ў 2005 годзе на тэрыторыі школы-ліцэя № 1 Горадні.
Аднак Вярхоўны суд прызнаў Мікалая Аўтуховіча вінаватым у перавозцы і захоўванні пяці набояў да паляўнічай вінтоўкі, а Уладзіміра Асіпенку — у захоўванні і перавозцы зброі і выбуховых рэчываў.
Адвакаты Аўтуховіча і Асіпенкі будуць абскарджваць прысуды
Каментуючы журналістам рашэнне суда, адвакат Мікалая Аўтуховіча Павел Сапелка заявіў, што ён і яго калегі будуць абскарджваць вынесеныя прысуды Вярхоўнага суда ў парадку нагляду. Адзіна справядлівым прысудам у дачыненні да свайго падабароннага Павел Сапелка лічыць яго поўнае апраўданне, бо сведчанні, на падставе якіх засудзілі ваўкавыскага бізнэсоўца, былі супярэчлівыя.
«Хаця рашэнне Вярхоўнага суда канчатковае, ёсць магчымасць абскардзіць яго ў старшыні ВС, што і будзе зроблена. Акрамя таго, абарона мае намер звяртацца ў міжнародныя інстанцыі», — заявіў адвакат Мікалая Аўтуховіча.
У сваю чаргу, амбасадар Швецыі ў Беларусі Стэфан Эрыксан, які прысутнічаў у залі суда, пракаментаваў вынесены Мікалаю Аўтуховічу прысуд: «Для мяне важна, што знялі самыя цяжкія абвінавачанні — у падрыхтоўцы тэракту. Засталося толькі абвінавачанне ў незаконным захоўванні зброі, але яно трымаецца толькі на аснове сведчанняў Аляксандра Ларына, а сам суд прызнаў, што гэтыя сведчанні былі супярэчлівыя. Таму мне здаецца, што пяць гадоў зняволення — гэта вельмі вялікі тэрмін».
Как вам новость?
Головоломки
Выбор читателей
