Хіміку-самавуку з Жлобіна пагражае 13 гадоў за збыт сінтэтычнай марыхуаны

09.07.2010 11:48
Архив Редакция

Жыхар Жлобіна, якія не меў спецыяльнай адукацыі, але хацеў добра зарабіць, самастойна наладзіў лабараторную вытворчасць сінтэтычнай марыхуаны проста ў доме сваіх бацькоў. Сыравіну для вытворчасці наркотыку хімік-самавук купіў у аптэцы, інструменты прывёз з Масквы, а рэцэпт знайшоў у інтэрнэце. Аператыўнікі затрымалі маладога чалавека пры спробе збыць тавар. Цяпер яму пагражае да 13 гадоў турмы.

За амаль кілаграм самаробнага рэчывы жыхар Жлобіна хацеў атрымаць каля сямі тысяч даляраў. Спецыяльную лабараторыю малады чалавек абсталяваў у нежылым доме, перадае СТВ.

Калі жыхар Жлобіна паспрабаваў збыць партыю моцнага псіхатропнага рэчыва, першай версіяй аператыўнікаў стала тое, што быў знойдзены новы міжнародны наркаканал. Пра гэта гаварылі і аб’ёмы, і якасць тавару. Дзялец прапанаваў партыю да трох кілаграмаў. А гэта больш за 20 тыс. даляраў.

Аднак супрацоўнікі міліцыі затрымалі хіміка-самавука ўжо на збыце першага кілаграму наркотыка. Праз некалькі гадзін аператыўнікі выехалі на радзіму дзяльца — у вёску Паболава Рагачоўскага раёна, дзе выявілі яшчэ адзін кілаграм сінтэтычнай марыхуаны, закапаны ў зямлю.

У падпольнай лабараторыі міліцыянты знайшлі больш за 20 інградыентаў для вытворчасці JWH-018 і вялікія запасы падбелу, якую жыхар Жлобіна купляў у аптэцы. Лекавыя зёлкі пасля прапіткі наркатычным растворам ператвараліся ў гатовы тавар. Сінтэтычная марыхуана выклікае прывыканне на працягу даволі кароткага часу і не мае нічога агульнага са сваім раслінным прататыпам.