Па дадзеных Нацыянальнага банка Беларусі, валавы знешні доўг краіны на першага студзеня 2010 года склаў больш за 22 млрд. даляраў. Да красавіка гэтага года знешні доўг Беларусі дасягнуў 22,24 млрд. даляраў, павялічыўшыся тым самым з пачатку гэтага года на 183,2 млн. даляраў.
У пераліку на душу насельніцтва валавы знешні доўг на першага красавік склаў 2,348 тыс. даляраў супраць 2,327 тыс. даляраў на першага студзеня гэтага года і 1,596 тыс. даляраў на першага студзеня мінулага года, перадае АФН.
Паводле статыстычных дадзеных Нацбанка, у структуры валавога знешняга доўгу доўгатэрміновы доўг Беларусі на першага красавік склаў 9,52 млрд. даляраў, зменшыўшыся за студзень-красавік на 399,9 млн. даляраў.
Кароткатэрміновы доўг, наадварот, за першы квартал гэтага года павялічыўся на 583,1 млн. даляраў і склаў па стане на першага красавіка 2010 года 12,71 млрд. даляраў (супраць 12,13 млрд. даляраў на пачатак года).
У сістэме банкаў доўг на пачатак года склаў 3,55 млрд. даляраў, зменшыўшыся да першага красавіка на 70 млн. даляраў да крыху менш як 3,49 млрд. даляраў. У сістэме банкаўскага доўгу, па дадзеных галоўнага банка краіны, на першага красавіка 2010 года кароткатэрміновы доўг склаў 1,54 млрд. даляраў, доўгатэрміновы — 1,94 млрд. даляраў.
