У 2009 годзе аб'ём інвестыцый у асноўны капітал у Беларусі ў параўнанні з 1995 годам вырас у 4,7 разы. Пры гэтым у валавым ўнутраным прадукце краіны удзельная вага інвестыцый у асноўны капітал склала 31,7%. У сярэднім па краінах СНД гэты паказчык у 2008 годзе склаў 21%.
Па тэмпах будаўніцтва жылля Беларусь займае вядучыя пазіцыі сярод краін СНД. Так, у 2009 годзе ў Беларусі на тысячу жыхароў уведзена ў эксплуатацыю 595 квадратных метраў жылля. У той жа час у 1995 годзе — 191 квадратны метр, а ў 2005 годзе — 387 квадратных метраў. Разам з тым, у Расіі на тысячу чалавек ўведзены 421 квадратны метр жылля, Казахстане — 403 квадратныя метры, Украіне — 140 квадратных метраў, перадае БелТА.
Развіццё жыллёвага будаўніцтва ў Беларусі спрыяла росту забяспечанасці насельніцтва жыллём. Так, у 1995 годзе на кожнага беларуса прыпадала 19,7 квадратнага метра, а 2009 годзе — ужо 23,6 квадратнага метра. Такім чынам, па забяспечанасці насельніцтва жыллём ў разліку на аднаго жыхара Беларусь устойліва займае другое месца сярод краін СНД, саступаючы толькі Арменіі.
