27.04.2011 12:42
Архив

Былога начальніка Упраўлення па расследаванні злачынстваў Дэпартаменту фінансавых расследаванняў Камітэту дзяржкантролю Беларусі Дзмітрыя Адамовіча, які абвінавачваецца ў атрыманні хабару, могуць асудзіць на тры з паловай гады з канфіскацыяй маёмасці і пазбаўленнем права займаць кіруючыя пасады на пяць гадоў. Такое пакаранне для чыноўніка запытала ў суда дязржабвінавачанне.

Акрамя галоўнага следчага КДК у крымінальнай справе, слуханне якога праходзіць у Цэнтральным судзе Мінску, фігуруюць таксама начальнік упраўлення прадпрымальніцтва і ліцэнзавання камітэту эканомікі Мінаблвыканкама Ірына Ільюкевіч, кіраўнік адной з будаўнічых кампаній і яго намеснік, а таксама яшчэ два жыхары сталіцы. Для Ірыны Ільюкевіч абвінавачанне запытала 6,5 гадоў пазбаўлення волі з канфіскацыяй маёмасці, піша беларускі «Ежедневник».

Як ужо паведамляў Тэлеграф, Дзмітрыя Адамовіча арыштавалі ў жніўні 2010 года, яму прад’явілі абвінавачанне па частцы 3 артыкула 430 КК Беларусі (атрыманне хабару асобай, якая займае адказнае становішча). Па версіі абвінавачання, ён атрымаў хабар у 50 тыс. даляраў.

Аднак следства дзяржбяспекі зайшло ў тупік, Дзмітры Адамовіч не прызнаў сваёй віны, супраць яго ёсць толькі паказанні пасярэдніка, якога арыштавалі пры спробе перадаць буйны хабар.

На судзе адвакат аднаго з падазраваных заявіў, што мэта ініцыяванай КДБ крымінальнай справы — выкрыць карупцыйныя сувязі падпалкоўніка фінансавай міліцыі. Так, пасля праверкі органаў фінансавых расследаванняў з’явілася аператыўная інфармацыя пра тое, што Дзмітры Адамовіч ужо некалькі гадоў вырашае пытанні па спыненні крымінальнага пераследу бізнэсоўцаў, ужываючы схемы, звязаныя з карупцыяй.

Пазней паступіла інфармацыя, што Дзмітры Адамовіч за 25 тыс. даляраў спрабуе дапамагчы двум бізнэсмэнам-будаўнікам пазбегнуць суда. Тады КДБ затрымліваў знаёмую Адамовіча Ірыну Ільюкевіч і яшчэ двух пасярэднікаў. Усе яны далі паказанні супраць начальніка следчага ўпраўлення ДФР КДК, і палкоўнік быў арыштаваны.

Аднак ужо праз месяц высветлілася, што Дзмітрый Адамовіч не браў хабару, і яму змянілі абвінавачанне. Зараз падпалкоўніка абвінавачваюць у падрыхтоўцы да злоўжывання службовым становішчам або службовымі паўнамоцтвамі (ч.1 арт.13 і ч.2 арт.424 КК) і ў бяздзейнасці як службовай асобы (ч.3 арт.425).

Абвінавачанні прад’явілі і ўсім тым, хто даваў паказанні супраць Дзмітрыя Адамовіча. Па словах прадстаўніка дзяржабвінавачання, іх віна «цалкам пацверджана» доказамі, нягледзячы на тое, што фігуранты справы некалькі разоў мянялі паказанні.

Дзяржабвінавачанне лічыць, што Дзмітры Адамовіч не браў хабар за садзейнічанне спыненню крымінальнага пераследу бізнэсоўцаў, аднак вырашаў гэтае пытанне незаконным шляхам, а папрасіла яго аб гэтым Ірыны Ільюкевіч, якая і атрымала грошы.

Акрамя таго, як сцвярджае абвінавачанне, Ірына Ільюкевіч раней па просьбе Дзмітрыя Адамовіча лабіравала інтарэсы бізнэсмэна, які хацеў пачаць у Мінскай вобласці ўласны інвестыцыйны праект. Гэта пацверджана паказаннямі сведак і запісамі тэлефонных размоў абвінавачаных. Так, падпалкоўнік казаў, што «адрэдагаваў» пастановай аб адмове ва ўзбуджэнні крымінальнай справы супраць бізнэсмэнаў, а яго знаёмая назвала гэтых бізнэсоўцаў «сваімі».

Пракурор: у ДФР існуе «карпаратыўная салідарнасць»

Падчас папярэдняга расследавання калегі Дзмітрыя Адамовіча казалі, што ён прасіў дапамагчы бізнэсмэнам-будаўнікам, але затым сталі сцвярджаць, што галоўны фінансавы следчы прасіў іх пракансультаваць. Прадстаўнік дзяржабвінавачання лічыць, што ў дэпартаменце фінансавых расследаванняў існуе «карпаратыўная салідарнасць».

Што тычыцца бізнэсмэнаў-будаўнікоў, пракурор папрасіла суддзю прысудзіць іх да 2,5 год абмежавання волі. Па гэтай справе праходзяць таксама браты Дзмітры і Юры Кунцэвічы, іх абвінавачваюць у падбухторванні да дачы хабару і махлярстве. Дзяржабвінаваўца просіць суд прысудзіць аднаго з іх да 3,5 гадоў пазбаўлення волі, другога — да 2,5 год абмежавання волі.

Следите за новостями так, как вам удобно:

Подпишитесь на новостную ленту Telegraf.by в удобном для вас сервисе и ничего не пропускайте!

Дзен Новости Google Новости Telegram Facebook VK.com OK.ru Пульс