Пахаванне траіх загінулых у выніку выбуху на заводзе "Пінскдрэў-ДСП" адбудуцца сёння, 27 кастрычніка, у Пінску. Па жаданні сваякоў загінулых грамадзянскай паніхіды не будзе. Адпяванне пройдзе ў іх дома і пачнецца ў 13:00.
26-гадовы Яўген Рапута (аператар аўтаматычных і напаўаўтаматычных ліній), 38-гадовы Ігар Муга і 52-гадовы Міхаіл Старадуб (абодва слесары-рамонтнікі) будуць пахаваныя на гарадскіх могілках каля вёскі Пасенічы, перадае БелаПАН.
Целы Яўгена Рапуты і Міхаіла Старадуба выявілі пад заваламі ратавальнікі. Ігар Муга памёр у ноч на 26 кастрычніка ў рэанімацыйным аддзяленні Пінскай цэнтральнай лякарні.
Усе выдаткі на пахаванне ўзяла на сябе кампанія «Пінскдрэў».
Як ужо перадаваў Тэлеграф, сем’ям загінулых, а таксама і пацярпелым будуць выплачаны грашовыя кампенсацыі (па дзесяць мільёнаў рублёў, пацярпелым — па тры мільёны рублёў).
Сама трагедыя здарылася 25 кастрычніка. Каля 13:00 ў МНС паступіла паведамленне аб выбуху на дрэваапрацоўчай фабрыцы ў Пінску.
Прыбыўшы на месца здарэння, ратавальнікі выявілі, што ў выніку выбуху абрынулася каля 100 квадратных метраў перакрыцця. Па факце выбуху пракуратура Берасцейскай вобласці ўзбудзіла крымінальную справу па ч.2 арт.302 КК РБ (парушэнне правілаў бяспекі на выбуханебяспечным прадпрыемстве).
У ялкарнях застаецца 18 пацярпелых, з іх 14 — у рэанімацыйным аддзяленні з апёкамі ў цяжкім стане. Чатыры чалавекі з рознымі пераломамі знаходзяцца ў хірургічным і траўматалагічнае аддзяленне бальніцы. Медыкі паведамілі, што стан пацярпелых — сярэдняй цяжкасці. Уначы семярых пацыентаў перавезлі ў Мінск, пецярых — у Берасцейскую абласную лякарню.
