Беларускі эканаміст Леанід Злотнікаў перакананы, што Беларусь не пацерпіць ад нядаўняга двухразовага скарачэння паставак электраэнергіі з Расіі. Як адзначыў эксперт, Беларусь закупляла ў Расіі нязначную колькасць электраэнергіі, якую цяпер можна пакрыць уласнымі рэзервамі краіны.
«Частка уласных магутнасцяў па вытворчасці ўласнай энергіі Беларусь трымае ў рэ.ю
Па словах Леаніда Злотнікава, Беларусь закупляла электраэнергію ў Расіі дзеля эканоміі, бо гэта атрымлівалася трохі танней за ўласную вытворчасць.
У сваю чаргу эканаміст Сяргей Чалы лічыць, што Расія вырашыла скараціць пастаўкі, каб нагадаць беларускім партнёрам аб тым, што «за атрыманы тавар неабходна плаціць». Пры гэтым эксперт перакананы, што запазычанасць Беларусь ліквідуе ў найбліжэйшы час.
Як перадаваў Тэлеграф, 9 чэрвеня расійскі экспарцёр электраэнергіі, кампанія «Интер РАО» ўдвая скараціла пастаўкі электраэнергіі ў Беларусь праз даўгі. Беларускі бок вінен за электраэнергію, пастаўленую ў сакавіку-красавіку гэтага года, каля 1,5 млрд расійскіх рублёў.
