Сетка АЗС “А-100” адчыніла супермаркет пры аўтазапраўцы ў Новым Двары

19 чэрвеня пры АЗС “А-100” у Новым Двары адчыніўся новы паўнавартасны супермаркет. У першыя тры дні працы – з 19 па 21 чэрвеня – зніжка 25% на ўсё, акрамя тытунёвых і алкагольных вырабаў.

Крама ўваходзіць у нядаўна пабудаваны шматфункцыянальны заправачны комплекс «А-100» – «Новы Двор», які знаходзіцца на знешнім кальцы мінскай МКАД, побач з густанаселеным мікрараёнам Мінска – Чыжоўкай.

«А-100» у Новым Двары – гэта новы фармат і стыль аўтазаправачнай станцыі, дзе прадугледжана абсалютна ўсё для камфортнага абслугоўвання кліентаў. У распараджэнні наведвальнікаў вялікая тэрыторыя комплексу з гасцявымі паркоўкамі, 8 пастоў мыйні самаабслугоўвання, партальная мыйня-аўтамат з паліроўкай кузава, усе неабходныя спадарожныя сэрвісы (бясплатны wi-fi, арэнда прычэпаў, сэрвіс-блок для падпампоўкі шын і пыласос).

«Шматфункцыянальны комплекс у Новым Двары – гэта флагманскі аб'ект для сеткі АЗС “А-100”. З адкрыццём супермаркета ідэя пабудаваць для сваіх кліентаў сапраўды нешта большае, чым звычайная запраўка цалкам рэалізавалася», – адзначае кіраўнік упраўлення маркетынгу ГК «А-100 АЗС» Ніна Ніканорава.

Новы супермаркет – гэта паўнавартасны ўніверсальны магазін, дзе можна купіць усё і адразу. Свежыя хлебабулачныя і кандытарскія вырабы, малочная і мясная прадукцыя, гародніна і садавіна, бакалея, ахаладжальныя і алкагольныя напоі, сокі, аўтакасметыка, аўтахімія, маторнае масла, неабходныя дробязі ў дарогу, тавары для рыбалкі і пікніка, дому і саду, сродкі засцярогі ад насякомых, мотаасартымент, дзіцячыя цацкі і многае іншае. У найбліжэйшы час з'явіцца аптэка, паслугі страхавання, банкамат і кропка продажу кветак.

У «А-100» паклапаціліся пра тое, каб шопінг у новай краме быў не толькі прадуктыўным, але і максімальна камфортным, таму яшчэ ў працэсе праектавання было запланавана будаўніцтва прасторнай крамы плошчай 400 кв. м. Таксама ў распараджэнні наведвальнікаў вялікая бясплатная паркоўка. Акрамя ўсяго іншага, у заправачны комплекс уваходзіць кавярня хуткага харчавання з шырокім асартыментам свежай выпечкі ўласнай вытворчасці, паўнавартасных абедаў і напояў на любы густ.