Беларусь апынулася на чацвёртым месцы ў Еўропе па росце цэн, сведчаць дадзеныя Еўрастата і нацыянальных статыстычных службаў. У студзені-жніўні 2010 года інфляцыя ў рэспубліцы склала 5,1%. Апярэдзілі Беларусь па дадзеным паказчыку толькі Мальта (6,5%), Румынія (5,6%) і Расія (5,4%).
У большасці суседніх з Беларуссю краін інфляцыя па выніках васьмі месяцаў 2010 года апынулася ніжэй. Напрыклад, ва Украіне спажывецкія кошты выраслі на 4,3%, у Літве — на 1,9%, у Польшчы — на 1,5%, у Латвіі — на 1,3%, перадае Расстат.
У многіх дзяржавах ЕС у жніўні назіралася зніжэнне спажывецкіх цэн на прадукты харчавання ў параўнанне з папярэднім месяцам. Так, у Венгрыі прадукты патаннелі на 2,7%, Латвіі — на 2,0%, Польшчы, Францыі, Славакіі, Чэшскай Рэспубліцы на 1,0-1,5%. У той жа час на Кіпры цэны на прадукты за жнівень прыкметна ўзраслі — на 4,3%, на Мальце — на 1,8%, у Грэцыі — на 0,9%.
За перыяд з пачатку года сярод краін ЕС найбольшы прырост цэн на харчаванне быў адзначаны ў Венгрыі (5,1%), Эстоніі (4,8%), Славакіі (4,6%), на Кіпры (3,8%). Разам з тым у Балгарыі, Фінляндыі і Ірландыі з пачатку года прадукты патаннелі ў сярэднім на 0,3-1,6%.
Пры гэтым у сярэднім па краінах Еўрапейскага саюза інфляцыя з пачатку года склала 1,3%, а за жнівень цэны знізіліся на 0,3%.
